رواية يناديها عائش بقلم جهاد راضي
المحتويات
عكس كده
بابا دا استاذ خالد اللي ندي اختي كانت بتشتغل عنده
اهلا يابني نادين حكتلي علي اللي حصل
والله ياعمي انا حاولت اجمع الشمل تاني انسه ندي تستاهل كل خير بجد انسانه محترمه ومؤدبه ودا اللي خلاني ادور عليكوا عشان بعدها عنكم كانت تعبها
وهنا خالد بدا يحكي
في القاهره
وعند ماما كانت في حاله تشنج كانت بتحاول تقوم وبتحاول تتكلم وكانت بتشاور علي الباب وجارتنا مش قادره تسيطر عليها واتصلت بالدكتور واللي جه وشافها وطلب تتنقل المستشفى فورا
وطلب تتنقل المستشفى فورا
حاضر هتصرف حالا
نادين قفلت قفلت المكالمه في طلعه بابا من عندي وهو مڼهار من العياط
بابا الحقني ماما تعبانه ولازم ننقلها المستشفى فورا
وفعلا تم نقلها في نفس المستشفى اللي كنت فيها وكانت في العنايه المركزه زيي
ياتري قلب الام بيحس باولادها تحسوا انها كانت عاوزه تجي عندي اكيد دي حكمه ربنا
وفجاءه وصل احمد المستشفى واللي اټصدم بوجود بابا ونادين
واللي نادين جرت عليه
اااحمد اخويا ندي ندي اختنا ھتموت يااحمد ندي عوزاك يااحمد
حببتي ندي هتكون بخير ادعيلها يانادين
وهنا احمد قرب من بابا وحضنه جامد وهنا بابا انهار في حضڼ احمد
اهدي يابابا ندي لو شافت كل الحب واللهفه هتكون كويسه
وهنا احمد طلب يدخل العنايه عشان يشوفني
في اسكندريه
داده حليمه هو ايه اللي بيحصل بالضبط تعملي اجازه لحياه من غير مااعرف ولا كاني موجوده
والله يامس مياده استاذ خالد كلمني وطلب كده
مكلمنيش ليه
والله اساليه هو عنده الاجابه
ايه اللي مخبياه ياداده وانتي عارفه لما احط حاجه في دماغي
طب غوري من وشي
في المستشفى
احمد دخل العنايه وقعد جنبي ومسك ايدي
اااه اخيرا لاقيتك ويوم ملاقيكي تكوني كده ندي اقومي ياندي وانا هجبلك كل يوم العسليه بالمكسرات اللي بتحبيها وهنخرج ونتفسح زي ماكنتي بتحبي
ندي اوعي تسيبني وتمشي انتي الحاجه
الحلوه في البيت اللي ملقتهاش فسبته عشان ادور عليكي
احمد وحشتني اوووووي
وهنا بدات صفاره جهاز القلب يصفر وهنا اتفزع احمد
ندي ندي.. ندي
التاسعة عشر
ندي. ندي. فوءي يااندي
وهنا الممرضات دخلوا العنايه وطلعوا احمد منها والدكاتره كانت ماليه العنايه ومحاولات انعاش للقلب بصدمات الكهربائية
واحمد طلع وعيونه كلها دموع
ايه احمد ندي مالها اقولي ندي كويسه اوعي تقولي ندي هتمشي
وهنا احمد ونادين حضنوا بعض وكانهم بيطمنوا بعض
وبابا كان بيبكي وخالد كان متأثر بيهم وهنا لاحظ خالد توتر وحاله الدكاتره قام العنايه واللي اټصدم من محاولات الصدمات الكهربائية خالد واقف من ورا ازاز العنايه وماسك وشه بايده
يارب الطف بيها يارب ساعدها
في اوضه ماما والممرضه اللي بتابع ماما جرت علي الدكتور المعالج
دكتور دكتور الحق المريضه جالها ضيق تنفس واختناق
وهنا الدكتور جري علي ماما وامر ترجع العنايه المركزه وويركبلوها جهاز الاكسجين
الدكاتره حوليا و جسمي بينتفض بالصدمات مره واتنين وتلاته والكل يأس وهنا دخلت نادين تترجي الدكاتره
كمان مره حاولوا كمان مره ابوس ايدكم رجعولي اختي انا بدمر انا بمۏت معاها
وهنا الدكاتره أمرت الممرضات انهم يطلعوا نادين وهنا احمد خدها وبيراقبوا من ورا ازاز العنايه الدكاتره هتجرب تاني ولا خلاص يأسوا
وفعلا حاولوا كمان مره واتنين وانا بتنفض وفي المره التالته رجع القلب ورجع دقاته ومؤشراته علي الجهاز اني رجعت للحياه تاني واحمد حضڼ بابا ونادين
وهنا دكتور ماما اتوجه لخالد
استاذ خالد حاله الحجه حرجه وتم نقلها للعنايه
وهنا بابا واحمد ونادين انتبهوا
ياربي ماما واختي في العنايه يارب اقومهم بالسلامه يارب نجيهم
في الاسكندرية
وفي مكتب مياده كانت مخنوقه الكل اختفي من حوليها خالد كان مختفي واتعودت علي افعاله بس اللي خنقاها هو غياب احمد واللي مبطلتش التفكير فيه واللي فضلت تقارن اسلوبه واسلوب خالد مياده حاولت تتصل باحمد بس للاسف مكنش بيرد
سالت عليه في الشركه وعرفت انه سافر هنا بدات تسال نفسها
انا ليه مهتمه بيه اوي كده
في القاهرة
تتخيلوا انا وماما في العنايه السراير جنب بعض اللي يفصل بيني وبينها ساتر خشب
بعد الانتعاشه اللي حصلتلي وقلبي رجع يدق بس كنت لسه غايبه عن الوعي
اما ماما كانت محطوطه علي جهاز التنفس وكانت غايبه عن الوعي
انا وماما كنا في عالم تاني غير عالكم دا
نددددددي بنتي الحلوه قويه هتقوم وهترجع للحياه من تاني
ماما انا بنتك الحلوه الكلام ده ليا انا
ايوه ياروح قلبي ليكي انا بحبك عشان مافيش ام بتكرهه ولادها سامحيني ياااقلبي ضيقتك كتير كنت باجي عليكي كتير بس والله كنت بحبك
ماما اوعي تزعلي مني عشان خليتك تتعبي بسببي انا بحبك ياماما اوي وكنت بزعل انك طول الوقت بحس انك بتكرهيني
حببتي عمري مازعلت منك وربنا جبلك حقك انا مكنتش اعرف ان غيابك عني هيعمل فيا كده انا قلبي قالي انك بنتي من ساعه ماشوفتك مع جارنا
ماما انا بحبك ادعيلي ياماما واترحمي عليا
لو مشيتي وسبتينا همشي معاكي
عشان ترتاحي مني ومتتكسفيش مني
ارجعي للحياه وهكون فخوره بيكي اني عندي بنت قمر وقلبها ابيض و طيب ومن كتر طبتها بقي جزء من ملامحها
بجد ياماما هتفرحي بيا زي نادين
ايوه ياعيون ياماما
ندي.. ندي. ندي
بحبك ياماما بحبك اوي
الكل كان منتظر رحمه ربنا ليا انا واماما
وهنا وبعد مرور ساعات بدات افوء واحاول احرك ايدي واحاول اتكلم وبدات ارفع جهاز الاكسجين عشان حد يسمعني
وهنا الممرضه حمد لله على السلامه وانا كل اللي بقوله
ماما عاوزه ماما
وهنا جرت الممرضه علي الدكتور واحمد وخالد ورا الممرضه
دكتور المريضه فاءت
وفي نفس اللحظه ممرضه تانيه المريضه فاءت
وهنا الدكتور جري علي العنايه المركزه واتفاجيء اني انا وماما فوءنا ورجعنا للحياه من جديد وبدا يشوف الحالتين
بجد معجزه حكمه ربنا فوق كل شيء اقدر اقولكم حمد لله علي سلامتهم
وهنا بص للمرضه يتنقلوا اوضهم فورا
هنا احمد حضڼ بابا ونادين كانت بتحمد ربنا انه مخذلهاش ورجع عيلتها ليها
وفعلا اتنقلنا غرف جنب بعض
والكل دخل يشوف ماما واللي كانت بتحاول تتكلم وبعد معاناه
احمد اهدي ياماما اللي عوزاه هنعمله المهم انك وسطنا
وهنا ماما نطقت باسمي
ندي عاوزه ندي عاوزه بنتي اشوفها
هنا الكل كان فرحان ان ماما بعد سنه كامله رجعت تتكلم واول كلمه كان اسمي
اما عندي في اوضتي كنت بفوء فترات بس بقيت احسن وهنا الكل دخلي وجري احمد عليا
ندي المغلباني حمدالله على سلامتك يااقمر وباس ايدي
ونادين مسكت ايدي وبستها كده روحي رجعت ليا من تاني
بابا كان واقف بعيد عني وكانه خجلان مني
بابا محتاجه حضنك اوي
وهنا بابا جري عليا وحضني وانا نايمه وباسني من جبهتي
حمد لله على سلامتك حببتي
وانا بصوت ضعيف ماما عاوزه ماما والكل بص لبعضه
وفجاءه لاقيت امي ډخله علي كرسي متحرك وبصوت وحروف متقطعه ندي حببتي
والممرضه حركت كرسيها لغايه عندي
ماما انا بحبك اوي
وانا رجعت الحياه عشانك حياتي لكي ولاخواتك وهنا موبيل خالد رن وطلع يرد بره
ايوه يامياده في ايه كل شوي اتصال
فينك ياخالد ولا كاني خطبتك ولا ليا حق عليك
ياستي عارف انك خطبتي
وهنا كان بيلف لاقي نادين واقفه وهنا خالد اټصدم وقفل الموبيل
ونادين اول ماسمعت كلمه خطبتي جرت وخرجت بره المستشفى وطبعا خالد جري وراها
نادين نادين انتي فاهمه غلط
العشرون
الحياه ياهتعلمنا المهم نكون واثقين من نفسنا وديما عندنا ايمان ان كل اللي ربنا بيجيبه خير والمحڼ والابتلاءات بعدها فرح ويسر
وان كل ماهتضيق فرجه هيكون قريب
نادين نادين
خير استاذ خالد في حاجه
لا ابدا بس لاقيتك مشيتي من غير ولا كلمه
عادي طلعت اشم هوا واسيبك تتكلم براحتك مع خطبتك
ااه خطبتي بس
بس اي ياخالد خطبتك ولا لا
انا مش عارف ان كانت خطبتي ولا لا
ازي ياعني فزوره مثلا
تصدقي ممكن تكون فزوره طب هقولك الفزوره وانتي حليها يمكن الحل يكون عندك
وهنا بدا خالد يفتح قلبه لنادين
انا وحيد امي وابويا خريج تجاره ماټ ابويا وسبلي الدار دي وانا كبرتها وخليتها دار واتنين وتلاته لغايه مابقت مركز للمسنين وكبار السن ودار للايتام امي ماټت وفضلت انا لوحدي سنين وبقيت بحلم بالاسره والبيت
والشريكه اللي تساندني في حياتي وفي شغلي
كل دا حلو ياخالد فين الفزوره بقي
من كتر الشغل نسيت قلبي لغايه مابقي متبلد مش بيحس باي عاطفه ناحية حد رغم كل مغريات ليه لغايه ما اشتغلت مياده
مين مياده
المفروض خطبتي جات المركز واتعينت كانت بتعمل كل حاجه عشان اخد بالي منها وتشغلني بيها و بدات اخد بالي بس قلبي فضل نايم مصحاش ليها لماعرفت شخصيتها اللي مختلفه عني
ازي مختلفين وانتم بتحب بعض
انا محبتهاش وهي كمان هي لاقت فيا الراجل اللي يقدر يعيشها كويس وعنده جاه ونفوذ ويقدر يعملها اللي تعوزه
وانت لاقيت فيها اي بقي
لاقيت الاسره والبيت والعيله بس اټصدمت من افعالها وتصرفاتها مع الناس غيري خالص هي بتتكلم الناس من برج عالي وانا بتكلم مع الناس وانا منهم تعرفي انها عدوه اختك اللدوده
ندي ليه بقي عملتلها ايه
عشان مفكره اني معجب بيها
وانت كده فعلا الست ديما احساسها بيبقي صح
ندي من ساعه مااقبلتها وانا بتعامل معاها كاخت ندي كانت محتاجه لسند اختك اتبهدلت كتير لماسابتكم وعشان كده دورت عليكوا
طب برضو مش فاهمه فين الفزوره
الفزوره ياستي اني قلبي
صحي واتحرك وبدا يحس ويحب بس في حته تانيه خالص ومكان تاني ومحافظه تانيه
اا عن اذنك لازم ادخل لحسن حد يقلق
نادين مالك ارتبكتي كده ليه وقايمه ليه
عشان لازم ادخل عن اذنك
وهنا نادين خدت بعضها من غير ماتبص لخالد عشان تتدخل بسرعه وهنا خالد ندهه عليها واللي وقفت من غير ماتلفت ليه
نادين قلبي بيحبك وحسك
وهنا نادين مشت بسرعه وطلعت المستشفى وهي قلبها مبسوط وفرحان وانه اول مره يحس بالفرحه دي
خالد طلع وراها وهنا قابل احمد واللي وقفه
حضرتك استاذ خالد صاحب المركز اللي ندي شغاله فيه
ايوه بس افضل تقول شغاله معايا فيه ندي دي اختي من ساعه ماكلمتني عنك وعن والدها واختها وامها واد ايه بعدها عنكم فارق معاها وانا اتعاملت معاها كاني اخ ليها
بجد مش عارف اشكرك ازي علي اللي عملته معاها مت غيرك ياعالم كانت هتكون فين وازي
الحمد الله
متابعة القراءة
