اخطر سر
الراجل ده مش أبويا وعايز أعرف أبويا الحقيقي .
أنت بتخرف بتقول ايه أنت عارف معني كلامك ده ايه
للأسف أيوه عارف لكن هي دي الحقيقة اللي أنا متأكد منها الحقيقة اللي ډمرت حياتي وأنا لسه في بداية شبابي ودلوقتي لازم اعرف أبويا الحقيقي .
انت بتقول ايه أنت اكيد اټجننت او حد ضحك عليك وشربك حاجة !!!
أنا ولا اټجننت ولا حد شربني حاجة أنا عارف انا بقول ايه كويس اوي انا أتأكدت ان منير مش أبويا .
أزاي يا عين أمك
من فصيلة الډم .
أيه !! مش فاهمة !! عايز تقول ايه
عايز أقول أنا لما شوفت فصايلنا كلنا أتأكدت أن منير مش أبويا . ودلوقتي لازم تعرفيني انتي غلطتي مع مين وجبتيني ولا انتوا أخدتوني من ملجأ
نظرت لي بذهول شديد دون أن تنطق ولا كلمة ثم قامت وصفعتني علي وجههي !!!
فصفعتني مرة اخري !!!
قومت وجريت من أمامها و دخلت غرفتي لاخذ ملايسي وأرحل .
حين شاهدتني الملم ملابسي دخلت غرفتي وقالت لي أقعد يا ابني معلش مقدرتش أتمالك أعصابي أنا عايزة أعرف مين ضحك عليك و دخل في دماغك الكلام ده
مفيش حد أنتي ناسية اني في كلية العلوم وده في اساسيات دراستي !! ولو مش مصدقاني روحي لأي دكتور وأعرضي عليه الكلام ده وهو بنفسه هيأكدلك ان كلامي صح .
لكن العلم بيقول ...
قاطعتني وقالت العلم يقول اللي هو عايزه لكن انا عمري ما راجل لمسني غير أبوك علشان كده واثقة ومتأكدة مليون في المية انك ابن منير مش أنت بس انت وكل اخواتك .
يا أمي قوليلي الحقيقة وانا هقبلها مهما كانت انا مش صغير انا كبير وهقدر أتقبل الحقيقة بس المهم اعرف انا ابن مين .
وجريت جابت صورة ابويا وقالتلي بص في المراية وفي الصورة وانت تعرف اذا كان منير أبوك ولا لأ دقق شوف شكل العين والانف حتي الشعر .
كانت بتقولي كده وعينيها پتبكي !! معرفش سبب دموعها اذا كانت بسبب أنها صعبانة عليها نفسها انها مظلومة ولا بسبب تأنيب ضميرها !!
قولتلها لما بصيت في الصورة فعلا فيه ملامح مشتركة لكن مش متطابقة !! والملامح ممكن تتشابهة مع اي حد
طيب اعمل ايه علشان تصدقني
العلم مش بيكدب ولا بيجامل ١١٢ فصيلتي وفصيلته مستحيل يكونوا فصيلة أب وابنه !!!
يا بني وأنت عرفت فصيلته منين
من بطاقته .
يا بني أيام أبوك لما عمل البطاقة
كان لسه العلم مش متقدم زي دلوقتي يمكن فصيلته اتكتبت في البطاقة غلط
لأخر مرة يا امي قوليلي الحقيقة وأنا هتقبلها بدل ما أعيش عمري كله شاكك في نسبي !!
أنتهي الكلام بيني وبينها وهي مصممة أني ابن منير لكن فضل الشك جوايا !!
لما شوفت بطاقته قبل ما أكلمها كنت متأكد أن منير مش ابويا لكن كلامها زعزع اليقبن جوايا ورجعه لمرحلة الشك . لكن نسبة الشك عندي مش هتزيد عن احتمال ضعيف لا يتعدي ١ أنما الاحتمال الاكبر اني فعلا مش ابن منير !!
مقدرتش أعيش معاها في نفس البيت بعد كده وأنا جوايا الشك ده ومش عارف ارتاح واوصل ليقين !!
سيبت البيت وأخدت شقة وعيشت فيها لوحدي وسط رفضها وتعجب كل المحيطين بنا !!
وفضل الكلام ده ببني وببنها مفيش حد عرف به تاني .
ودلوقتي مر ٩ سنين وانا لسه عايش لوحدي ورافض أني اتجوز او حتي احب وارتبط بأي بنت بعد صدمة عمري اللي ډمرت حياتي وجعلت حياتي كابوس كبير !!
السر ده مفيش حد في الكون يعرفه غيري وغير امي لكنه دمرني نفسيا وطول ٩ سنين وأنا شايله جوايا مش قادر أخرجه لحد .
و أنا بتابع القصص شوفت الفقرة الجديدة دي اللي باسم الاعترافات فحبيت أرسلهالكم يمكن اجد عن حد منكم حل او يمكن أرتاح ولو بنسبة بسيطة .
أنتهي .
