مليكه وياسين

الجزء الاول 
هو انا وحشة علشان جوزي ياسين ميحبنيش 
عرفت انك بتحب المحشي من خالتوا عملتهولك ثوان و هيبقي جاهز على السفره  
انتهد و هو بيرمي مفاتيح على التربيزه و دخل الاوضه مش عايز اكلت بره  
روحت وقفت قدام الباب و انا بقول بحماس طيب بس دوق منه 
هز راسه بلا و هو بيقلع الساعة و حتى مش باصصلي لا بالهنا عليك انا هنام تصبحي على خير 

كنت بصاله بحزن انا تعبت فيه من اول النهار علشانه بس هو حتى مش مهتم يبصلي نزلت راسي للارض و انا خلاص همشي 
مليكه  
رفعت راسي بفرحة و انا كنت فاكره انه هيطيب خاطري لكن اقفلي الباب معاكي معلش هغير هدومي  
ابتسامة شقت شفايفي بسخريه على تفكيري و من غير حتى ما ارفع عيني له قفلت الباب بهدوء و دخلت المطبخ و انا شايفه قدامي كل الاصناف من الاكل عملاها علشانه هو انا حتى مش بحبه اصلا مش اكلتي المفضله لكن عملته علشانهابتسمت بحزن و انا بلف الاكل كله و حطيته في التلاجه 
انتهد و انا بهمس بحسره ياربي
خلصت و قفلت انوار الشقه كلها و دخلت اوضتي بهدوء قفلت الباب بأهمال قعد على سريري بحزن بحاول اخفيه و اه سريري ما انا عايشه في اوضه و جوزي في اوضه تانيه السبب انى بحبه ده هو السبب ولله
محتاج حاجه
كنت واقفه بغسل المواعين و كنت على وشك اخلص لقيته طل عليا بشكله الي بيخطفني 
اه كنت هعمل قهوة لما تخلصي بقى
لا متتعبش نفسك انا هعملها ليك ثوان بس  
كان شكله تعبان من الشغل فعلا هز راسه بارهاق طيب عايزها م 
قاطعته بسرعه مظبوطه و 5معالق سكر و بوش تقيل عارفه متقلقش
بصلي بدهشه عرفتي منين كل التفاصل دي
ابتسمت بتوتر و انا بمسك طرف التيشيرت بتاعي بتوتر شديد ها عادي يعني لاحظت 
لدرجه كام معلقه سكر
ضحكت و انا بحاول اخفي خجلي منه اصل هقول ايه اني كنت كل ما يخلص قهوته ادوق اخر حبه علشان اعرف ازاي بتتعمل و افهمها ولا اني راقبته ولا اني عارفه ادق تفاصيله و حفظاها عن ظهر قلب مالك مستغرب كده ليه هو وحش اني عارفه جوزي بيحب ايه ولا ايه
لا عادي كنت بسأل
خلصت القهوة بسرعه و روحت ادهاله ببتسامه بشوشه اتفضل
اخدها مني و انا مازلت واقفه مكاني مستنيه ياخد اول بوق منها علشان اعرف رأيه قولت بقلق اول ما نزل الفنجان و شافيه ملامحه ايه وحشه
بصلي بأعجاب واضح في عينيه لا بالعكس دي احلى من بتاعتي 
كان نفسي نظره الاعجاب دي تكون ليا فعلا مش لفنجان قهوةبس كفايه انها عجبته قولت بفرح كويس مبسوطه انها عجبتك
بصلي بفضول هي هي نفس المكونات اعتقد صحايه السر
ابتسمت بشغف و حب له و انا باصه في عينه مباشرة لاول مره اتجرء و اعمل كده و قولت برقه شويه حب 
لحظه في لحظه سرح في عيني و بعد اخر كلمه قولتها بؤبؤ عينه بداء يتحرك بسرعه بتوتر او مش عارفه مش قادره افهمه هو مش مديني فرصه اتعمق في عينيه حتى 
قال بشكر ممزوج بلامه بلاه شكرا ليكي اني تعبتك بعد كده انا هعملها
ليه كده مش قولت عجبتكانا اعملهالك 
لا انا هعملها مش عايز اتعبك
حسيت من نبرته بأمر مش مجرد شكر لكن انا عنيده اعمل ايهمش يمكن يكون فنجان القهوة كل يوم من ايدي يفتحلي قلبه لا خلاص انت يتيحي تعبان قبل ما تيجي هتلاقيني محضراها و اكيد انت مش هترضي ترميه صح 
واقف لوحدك ليه اقف معاك
بعد شويه و سند على سور البلكونه ما انت وقفتي خلاص
ضحكت بخفه عندك حق
كان سرحان في السما ملامحه صافيه بشكل يخطف قلب اي حد ابتسامه لطيفه شقت شفايفه بحب اول ما لفح وشه نسمه الهوا البارده ابتسمت بحب و انا بقول بعفويه النجوم جميله فعلا شبهك
بصلي بهدوء مش قادره افهم نظره عينيه ازاي كان فرحان بغزلي له او زعلان بس كل الي حسيته برود قبل ما يبتسم بهدوء و يدخل جوه تاني 
انتهد بتعب المشوار طول اوي يارب اوي اوي سنه كثير على قلبي يستحمل كل ده
في يوم كان قاعد على الكنبه و بيتفرج على التلفزيون و مركز فيه روحت حضرت فيشار بطعم الشوكولاته زي ما بيحبه بسرعه و لبست عباية لذيذ لونها ابيض بحسها شبه الفستان عليها نقشه حلوه و بكم واسع زي الفستان بالظبطحطيت طبق الفشار على التربيزه الصغيره الي قدام الكنبه بصلي بتسأل قولت بلذاذه و ابتسامه هاديه حضرت فشار ليك و ليا علشان نستمتع اكثر بالفليم الي بتتفرج عليه و مركز في اوي كده
هز راسه بهدوء و انا روحت قعت على الكنبه و اول ما لمست الكنبه هو بعد ساب مسافه بس كان كبيره كبيره اوي و كان الي قاعد جنبي ده مش جوزي راجل غريب
مهتمتش و انا لسه محافظة على ابتسامتي الهاديه و حاولت افتح كلام إلا قولي يا ياسين اسم الفيلم ايه
جاوب عليا من غير ما يبصلي مكتوب فوق اهو
احرجني ما انا واخده بالي لكن كنت عايزه افتح كلام مش اكثر هو ليه بيختصر الكلام اوي اوي كده
قلبتها ضحك اها مخدش باليايه قصته بقي علشان ابقي فاهمه و انا بتفرج معاك 
متقلقيش هبقي ارجهولك و تفهمي من الاول انا مش بعرف اشرح  
اكتفيت بهزه صغيره له و انا برجع نظري للفيلم اصل هقول ايه هحرج نفسي اكثر من كده ليه هو مش عايز يتناقش معايا حتى في شيء صغير و عادي زي ده هكمل كلام ازاي!
اخذت فشاره من الطبق و كنت هاكلها بس اضايقت فجأة و سبتها من ايدي مكانها طبق الفشار بهاله هو ممدش ايده غير مره مره بس من ربع ساعه هو وحش مثلا
الفشار مش عاجبك ولا ايهانا عملاه بالشوكولاته زي ما بتحبه  
ها لا حلو بس مليش نفس الشوكولاته تقيله على المعده و انا هنام فاهمه  
هزيت راسي بهدوء مكنتش مركزه في الفيلم قد ما انا مركزه في افكار عقلي و خيلاتي الي راحه جايه اصل ايه الي هيجرا لو كنا دلوقتي قاعدين مع بعض و بنضحك على الفيلم نتناقش فيه بحب و حماس ياخدني فحضنه و يميل على كتفي بحنان يحاوطني بيده بدفاء جميل نتوقع الاحداث سوا ناكل الفشار الي قاعد لوحده زعلان دهانا احلامي بسيطه فعلا 
جه مشهد من الفيلم كان البطل بيعترف للبطله بحبه لكن قبل ما يقول كلمه فجأة مسك الريموت و رجع الفيلم من الاول تحت نظرات استغرابيبصلي و قال بنبره عاديه عاديه اوي انا هقوم انا بقى رجعت الفيلم من الاول اهو اعرفي قصته 
استني بس الفيلم لسه بخلصش و انت رجعته على اهم حته و نهايه الي الكل عايز يعارفها 
ابتسم بهدوء انا هنام تصبحي على خير 
همست و انا دمعه فرت من عيني بعد ما سمعت قفله للباب خيرخير ازاي خير ازاي ده انت قاعد بقالك ساعه و نص لوحدك و كنت مبتسم و باين عليك الحماس اول ما جيت مش قادر تقعد معايا غير ربع ساعه بالعافيه بالعافيه
مسحت دمعتي بهدوء و انا كالعاده بحاول احطله عذر عقلي مش قابله لي 
همست پقهر هو انا وحشه
و في اخر الليله فضل طبق الفشار لوحده حزين 
احساس بشع انك تحس برفض ليك من حبيبك رفض غير مبرر رفض يوجع القلب 
كنت قاعده في البلكونه على الارض و هو نايم في ايدي كوبايه عصير جزر على برتقال اصلي بعشقهانتهد بسترخاء و انا باصه لسماء و بدندن بعشق الدندنا و خصوصا اني صوتي حلو شويه 
روح قلبي انا وعدتك صدقني هكون وياك
و عليك ابيع روحي ما انا روحي يا عمري فداااك
خليك هنا معايا يا روح قلبي بتوحشيني 
خليك قصاد عيني علشان قلبي بيوجعني 
مسحت دمعه فرت من عيني من تأثير بالاغنيه اصل بحبها اوي كلماتها و احساسها غريب مؤثره
ايه الجمال ده صوتك حلو اوي اوي 
انتفض بخضه و انا بلف لهابتسمت بخجل و انا شايفه مركز نظره او لمعه مخفيه في عينهبتمنى تكون حقيقه او بذره لحاجه و بتكونش من وحي خيالي 
لا بجد احساسك وصليي و كأنه حقيقي انت روح فعلا
استوعب كلامه و حسيته متلغبط او مش فاهم ازاي الكلام ده طلع منه اصلاابتسمت بخفوض و انا بقول له اتمني يبقى واصلك فعلامش مجرد كلمات في الاغنية
عرفت انه فهم قصدي و كالعاده هرب هرب من احساسه او مني شخصيا 
كنت مغمضه عيني و انا مستقيمه على السرير و مبتسمه و انا بفتكر ازاي هو انهردا قالي القهوة قمر شبهك كلمه عفويه طلعت منه اه سحبها بسرعه لكن كان اثرها باين على وشي ياااه هنام على احلى خاتمه انهردا 
و بعد ربع ساعه كنت خلاص بروح في النون ما بين الواقع و الحلم حسيت بحد بيحط ايده على شعري فتحت عيني براحه و انا بحاول استوعب حل انا في حلم ولا حقيقه لكن فجأة سمعت خطوات رجل اټفزعت و قربت من النور افتحه جنبي و بدعك في عيني بحاول افوقبصيت على الاوضه بدقه لكن مفيش حدهمست بنعاس اكيد حلم مش معقول كل يوم احلم حلم شكل من النوعيه دي بحسه حقيقه و بلمسه حنينة عليا 
مهتمتش كثير و انا اصلا عايزه انام و كملت نومي 
دخلت اوضته بعد ما هو طلع يدخل الحمام و حطيت هدومه على السرير 
بتعملي ايه
لفيت له و انا ببتسم بهدوء و حب حب هو عمره ما شافيه كان بينشف شعره المبلول بالفوطه كان خصل صغيره نازله على عينه بشكل يخطف الانفاس كان حلو حلو اوي 
فقت بسرعه من تاملي له و رديت ببتسامه صافيه كويتلك الهدوم و طلعت الجزمه بره الي بتلبسها مع الهدوم دي
بص ورايا بطرف عينه و رجع بص ليا و هو بيتحرك يطلع هدوم تانيه من الدولاب!!
شكرا تعبتي نفسك بس انا مش رايح الشغل انا خارج و اكيد مش هلبس هدوم الشغل  
هزيت راسي بضيق من نبره صوته البارده و انا بسأله خارج فين
مع صحابي
ممكن اجي معاك
لف ليا و هو بيقفل الدولاب و قال بسخريه تيجي معايا ازاي يعني بقولك خارج مع اصحابي الشباب